Sunday, July 03, 2005
Cansun de quand seri giuvina e stavi in Ludovica
(Dario Fo - Fiorenzo Carpi)
Quand s'eri giuvina e stavi in Luduvica
fu minga per vantamm s'eri un belee,
andavu sui bastium a faa la vita
ma la mia vita l'era un ruchetee.
I volt ch'el me basava 'stu lingera
el me strasciava fina i pagn de doss.
Mi me sentivi andaa el coo in stadera e
me scurlivi tuta fina a i oss
e me scurlivi tuta per 'stu lingera.
Avrì legiù stasera sura la gazeta
de vun che l'han cataa cun di danee,
fai su cul fà el cumercio de la strepa
quel vun a l'era propi el ruchetee.
Quand s'eri giuvina e stavi in Luduvica
stà insema a quel balurd, se l'era bell!
Anche se dent per dent el me scurliva
e me cunsciava tuta d'un murell
poeu me basava tener e mi slenguiva.
Lu el me purtava semper i calzett de seda
de quei rigaa de neglier sul calcagn,
ma dopo el me sugava la muneda
per andalla a god insema ai so tusan.
Ma un dì gou fai a ment quant s'eri ciula
e l'hou mandaa de bot a quel paes,
ma de quel dì me sunt sentida sula
compagn di gandulit in di scires
e tut perchè sunt sensa el me lingera.
Subscribe to:
Post Comments (Atom)
No comments:
Post a Comment